IPE SINU ISE IRANSE IHINRERE

             Email:- groundoftruth2@yahoo.comWebsite:- www.groundoftruthbibleinstitute.blogspot.com

MOBILE 08056008526. A.C.L. 125 & B.M.T. 021

HANDOUT

        IPE SINU ISE IRANSE IHINRERE

                                                             

                         

                                                

                                                                                     

                                                                                                                                                                     ADVANCED CHRISTIAN LEADERSHIP (100 LEVEL)

IPE SINU ISE IRANSE IHINRERE

                                            

ITUMO ISE IRANSE

Nigbati awon omo eyin nse ariyanjiyan lori oro yi pe tani o tobi ju. Jesu bi won lere pe “Tani o tobi ju, eni ti o joko lati jeun tabi eni tio nse iranse fun un”? Si opo eniyan eni ti o joko ni, sugbon Jesu wipe  “Emi nbe larin yin bi onise {Lk.22: 24-27}. Awon omo eyin re mo pe oga awon ni Jesu nse, ati wipe awon ni omo eyin re, sugbon sibe o tun nse ise iranse fun won. Oro Giriki ti a lo nibiyi je oro (Diakoni), ti o tumo si “Lati se ise iranse”. (DIAKONES) Eyi ni iranse ti o si je oro ti awon oluko Majemu titun fun ise iranse.

AWON OLORI ONIGBAGBO JE “Iranse” tabi OJISE: Esin onigbagbo nikan ni esin kan soso ni gbogbo aye ti a npe awon olori won ni iranse tabi ojise. Idi ni pe, Jesu ti oje olori won ti se ara Re ni iranse tabi ojise. O fi eyi han ni gba ti o we ese fun awon omo eyin Re,{Jn.13: 13-16}O mu awo iranse wo, o si so fun awon omo eyin re lati se bee gege.

Gbogbo onigbagbo ni a npe sinu ise iranse, nitori ase ti o wipe ki a se bee gege ko wa fun awon olori nikan bikose gbogbo onigbagbo. Eyi ni Aposteli Paulu salaye fun ijo Korinti ninu .1 1Kor.3:5; 4:1,2 Kor.4:5. Aje iranse ni orisi ona meta:

                         

1.  A je iranse fun Olorun.

2.  A je iranse fun Onigbagbo elegbe wa.

3.   A je iranse fun awon eniyan agbaye.

Ni gbogbo ona ni a gbodo tele apeere Jesu Oluwa, Eni ti oni iwa Olorun, ti osi fi gbogbo re sile ti O si mu awo iranse. Ore ara re sile O si gbe igbe aye igboran de oju iku. (Filipi 2:6-8) “Gbogbo awon eniyan Olorun ni o ye ki won mura sile fun ise isin onigbagbo lati ko ara Kristi. (Efesu 4:12) sugbon larin ara Kristi ti ise ijo, Orisirisi eniyan ni a fun ni Orisirisi ise tabi ise iranse lati se, ki eniyan Olorun ba lee mura sile fun ise iranse.

ITOKA SI IPE: Ipe tabi ipe Olorun ni gbongbo re ninu Olorun ati gbogbo iwe Bibeli. Ti a ba woo daadaa, ipe tabi ipe Olorun pin si ipa meji gbooro:

1.IPE GBOGBOGBOO
2. IPE PATAKI

IPE GBOGBOGBOO

Eyi ni akoko ati ipinle ti o wa fun gbogbo eniyan inu aye loni. Leyin dida eniyan, esu wa lati dan eniyan wo, eniyan si subu si owo esu. Lati igba isubu yi ni eniyan ti ntele itanje esu ti eniyan si ta eto Olorun fun aye re. Eyi ni o si le eniyan kuro niwaju ati ninu eto Olorun.

Eyi lowa mu Jesu wa sinu aye yi lati wa ku fun iran eniyan lori abgbelebu. Olorun je mimo, eniyan si je elese julo. Ipo ese buburu yi ni o da ogbun nla saarin eniyan ati Olorun, ti eniyan elese ko lee de odo Olorun mimo.

Sugbon Jesu ni ori igi abgbelebu duro si aarin ogbun na osi na owo Re kan si eniyan ati okan to ku si odo Olorun ti osi wipe “Emi ni ona ati otito ati iye: Ko si eni ti o le lo si odo Baba bi kose nipase mi” (Jn.14:6) Nitori idi eyi,  ipe gbogbogboo:Eyi je ipe sinu ijoba Olorun ,ani ipe si ironupiwada kuro ninu ese. (Ise A.A.3: 19, IIKor.5: 19).

PATAKI IPE GBOGBOGBOO: Gege bi o ti se pataki fun awon omo wa lati ni eko alakobere ki won to le tesiwaju de ibi giga, bee na ni ipe gbogbogboo. Eyi je. ipinle lori eyi ti ise Oluwa duro le lori Bi a ba wo aye awon Leefi fun apeere, ao ri ohun kan ti a npe ni akosile-ibi (GENEAOLOGY), Ki enikeni ninu

won to le ye lati sise ninu Tempili, oruko re ni a o  farabale wo ninu akosile, sugbon awon ti a ko ba ri oruko re ni a pe ni awon Odibaje. (Ezra 7:1-6;2;58-63,Mat.1:1-17).Nitori idi eyi, enikeni ti Olorun yio ba pe fun ise pataki yio koko dahun ipe ti o logo yi, ki a  si ti ko oruko won sinu iwe iye.

IPE SINU OJUSE GBOGBOGBOO

O se pataki fun wa lati mo pe gbogbo onigbagbo,lai ko ka ojo ori tabi eya, eko, ati ipo awujo si ni a pe sinu ohun ti a npe ni “Ojuse gbogbogboo”. Fun apeere, pinpin ihinrere Kristi pelu elomiran je ise gbogbo onigbagbo. Otito pe a ni ojuse gbogbogboo ko so wipe a ko ni ojuse pataki kan fun Olorun.

O je otito pe gbogbo wa ko le je Oluso-Aguntan tabi Ajihinrere ati bee-beelo, sugbon o je ohun ti o lodi lati ro wipe bi eniyan o ba je Oluso-Aguntan tabi Oniwasu a je wipe Olorun ko pe iru eni bee.

Bi a ba gbe igbe aye wa de oju osuwon Olorun, a o ri wipe gbogbo onigbagbo ni won ni ojuse ototo ti a pe wa fun lati se fun Olorun ki a ba le mu ojuse gbogbogboo se. Eyi je ohun ti a le se, lati se awari otito yi ninu aye wa ni lati joko, ki a si ye aye wa wo, ki a si gbadura si Olorun pelu ibeere pe agbegbe wo ni O ti fe ki a ti sise ninu ogba ajara  Re?.

             IPE PATAKI

Ipe Pataki je pipeni si ojuse pataki kan ti elomiran ko le se. Eyi kii se ohun miran bikose ireti orun nipa onigbagbo kan. Akosile orun fun enikan yi ni a npe ni IPE PATAKI.

Maaku 3:13-15 awon ti a npe nibi yi kii se pe a pe won kuro ninu aye nikan, sugbon a pe won larin awujo. Jesu lo sori oke, O si pe awon ti O pe ni Aposteli ki won le maa ba gbe ki o si le ma ko won, ki o si le maa ran won lo lati le emi esu jade ati lati mu alaisan larada.

Awon wonyi ni won sun mo ju awon ogooro lo. Nitori idi eyi, Ipe pataki ni pipeni jade kuro ninu Ipe gbogbogboo lati mu ise pato kan se ninu ara Kristi, eyi si ma nwa pelu itoni.

IDI FUN IPE PATAKI

 

1.     Olorun eto (Efesu 3:1-11). Ipe Pataki wa lati mu eto Olorun kan pato se. Olorun kii se bo ba ti wu ki ori, sugbon o je

2.   Lati gba ise lowo enikan to ti f’eyinti tabi ti o fe f’eyinti.

3.   Lati di awon alafo ati lati yo awon eniyan kan ninu ewu.

4.   Lati da ohun titun kan sile pelu akanse ona (Ikor.2:9)

5.   Fun ise iranse, fun apeere awon eniyan mimo ati imudagba ara Kristi.    

            (Efesu 4:11-12).

ALAYE ITUMO IPE

Alagba “Webster” salaye Ipe gege bii pipeni sinu ojuse, tabi si ibi ise, tabi igba-ni s’ise kan pato. Nitori idi eyi a le tumo Ipe gegebi idaniloju atinuwa nipa ise pato kan ti orun ti pese sile fun okunrin tabi obinrin pato kan.(Gal.1:15-16)

AWON TI OLORUN KO PE

Awon ti Olorun ko pe ni a nda mo nipase awon nkan  wonyi:

1.    Aiko le fi ara da iponju gege bi ogun rere ti ti Kristeni.

2.   Ifarahan ifagagbaga tabi idije.

3.   Bibere ise iranse gegebi abajade iyolenu awon obi..

4.   Sise ise iranse gegebi ise ti o ku leyin ifeyinti.

5.   Nitori ife tabi ipongbe fun owo.

6.   Sise ise iranse gegebi ise ti a ko fun ise asela.

7.   Bibere ise iranse fun Olorun lati itara tabi ewu (wi wu)

LILOYE IPE OLORUN

Igbese akoko si sise aseyori ninu ise iranse fun aye wa ni liloye ipe naa. Opo iranse ati ise iranse ni won kuna nibi yi.

Kikuna nibi yi tumo si kikuna laelae. Ipe Olorun yio bere si munadoko ni kete ti a ba ti loye ohun ti orun nreti lori aye wa.. Gbogbo aye ti Jesu gbe ni o je lati mu ohun ti a ti kowe nipa Re se. (Matt.26:22-24).

BAWO NI ENIYAN SELE MO WIPE OLORUN NPE OUN SINU ISIN ONIGBAGBO

1.  Ipe sinu ise isin Oluwa je idaniloju ti Emi, nitori idi eyi, kiki awon eni irapada ni o le gbo ohun Oluwa yekeyeke. (II Kor.2:14,I Oba.19:12)

2.  Olorun funra re ni o maa lo npe eniyan sinu ise isin. (Johan.15:16, Esk.34:23-25)

3.  Ona ati ogbon ti Oluwa fi npe sinu ise isin le yato si ara won:

a.  

AWON IGBESE LATI MO IPE SINU ISE IRANSE

Elijah da agbada re bo Elisha. II Oba.19:19.

b.   A fi ororo yan Dafidi lati owo Samueli. (II              

                 Oba.16:11-13)

c.   Amosi gbo ohun iranni-nise Olorun. (Amosi    

                  7:14-15)

d.   Paulu gba ipe re nipase iran orun. (Ise A.A.     

         26:15-19)

e.   Timotiu ati Titu ni a pe nipase ohun elo Paulu.      

                           (Ise A.A.16:1-3,Itim.1:3, II Kor.8;16-17,Titu 1:5).

Oluwa npe olukuluku gegebi o ti ye. A ko gbodo ma wo apeere ti elomiran lati fi idi ipe tiwa mule, tabi ka seto ise iranse wa gegebi ilana kan ti eni kan ti o lo tele. Olukuluku eniyan ni o se pataki. Olorun si lee fun enikookan ni ilana pataki ninu ipe re.

1.    Nipase itenumo Emi Mimo, eniyan yio bere si ni fura pe oun naa ni inu didun si ise isin fun Olorun.

2.   Ipongbe yi, ni oro aikopeye lati inu wa yio bo mole.(Fili.4:13)

3.   Bi o ti wu kori, ebun isise wa yio wa di eru wuwo fun wa de bii pe yio maa rowa pe; “aye ati ise iranse ni se pataki julo ti eniyan lee ni.”

4.   Awon Ebun Emi Mimo ti won yio waaye idagba fun ara won laipe yio wa bere si fi ara han (II Tim.4:14, II Tim.1:6, Ise A.A. 13:1-37)

5.   Oluwa yio fi idi ipe wa mule ni oniruuru ona, bakan naa ni atileyin gbogbo yio wa fun bi a se nlo sinu ise Oluwa.

Ifororoyan ijo nipase adari ti a yan yio fi idi ifororoyan ti Oluwa funra Re ti fi yan wa mule. (Ise A.A. 9:15;13:2)

Akoko wa fun ifororoyan, bee si ni akoko wa fun idelade. Leyin ti o ba ti ri idaniloju Ipe Olorun ninu aye re, o ye fun o lati mu suuru de asiko iran-jade ti Olorun ati ti ijo. Ranti DAFIDFI, JOSEFU ati ABRAHAMU.

Mase gbagbe pe aigboran si ipe Olorun je ese, masi se tun gbagbe pe nipa iru aigboran bee iwo yio doju ti Olorun bee si ni iwo yio ja iran ti o wa yi kule.

DIE NINU AWON TI OLOYE IPE WON.

1.    Jesu Oluwa wa (Maaku 8:31033, Luku 23:12-18)

2.   Samsoni (Onidajo 13:1-5)

     3.  Paulu  (Ise A.A. 9:3-16, Gal.1:15-16)

Bi o ko ba farabale wadi ohun ti eleda re ati pese sile fun o lati se, ko nipe ti o fi di irinse ayalo lowo Oga ti kii se oga rere (esu). Ogbeni Judasi ko mo pataki ipe re, o gbagbe oye Bishobu ati Aposteli re ati ifororoyan re, osi gba ogbon owo fadaka, owo ti ko ni na ninu re, o si ta Jesu Oluwa, bakannaa ni o si ta ipe re atorunwa pelu re. Neh.7:62-65.

IPESE OLORUN FUN IPE RE

            

Si gbogbo iran nla ni iranlowo nbe fun. Bi ipe re ba je Ojulowo, Olorun ko ni fi iya iranlowo je o, nitori ti ko si omo ogun ti nlo si ogun ni inawo ara re.

 

OJULOWO IPE

Ojulowo ipe ko nilo lati maa toro baara fun owo tabi ohun elo ti a nilo. Opo iranse Oluwa ni won ti di onibaara, bi o tile je pe nse ni o ye ki won duro de Oluwa ti o pe won, sugbon dipo be nse ni won ngbe apo onibaara kiri. Eyi ni isoro opo iranse Oluwa ti o so won di onibaara.

1.Ohun ti won npe ni ise iranse ki se ise iranse rara bikose itara lasan, bee ni Olorun ko ni pese fun itara.

2.Opo eniyan, ko  fe lati gba Ojuse: Ti o si je pe leyin ipe, Ojuse  nbe. Nigba ti Olorun pe Abrahamu, O    

    fun un ni ileri ati ojuse (Gen.17:1-13;18:16-19). Olorun ko setan lati gbaruku ti o, ayafi ti o ba setan    

    lati gba Ojuse.

3.Omiran ni imurasile tabi eto. Olorun ko ni fi awon ohun ini re sile bi ko ba si eto ti o dara.

Ki ijoba to le gbe ise, fun agbasese kan, ohun akoko ti agbasese naa ni lati se ni pe, yio koko siro ohun elo ti o nilo ati bi yio se se ise naa, yio so asiko ti yio pari ise naa. Iru eyi na ni o sele ninu iwe Nehemiah 2:1-8 nibi ti Oba ti beere ibeere meji ninu eyi ti iwo pelu nilo lati dahun re bi o ba je wipe Ojulowo ipe ni o ni, ati pelu bi Olorun yio ba gbaruku ti o ninu ise naa. Awon ibeere naa wonyi:

a. Ninu ese 4 Oba bere wipe “ Kini ebe tabi ibeere re?

b. Ninu ese 6 Oba bere wipe “Ajo re yio ti peto?

Ipe Olorun ko le je gbigba lo patapata lai boju wo eyin, o gbodo so eto re fun un yekeyeke ki o to le pese fun ise iranse re. Mase ku gburu lo sinu ise iranse lai gba igbarukuti Olorun. Eyi lofaa ti opo iranse fi di onibaara ki won to le gbe aye won. Bakan naa ni ise iranse pelu ko ni lee te siwaju. Ohun kan ni pe ki Olorun pe eniyan, omiran ni pe ki Olorun ran eniyan. Bi o ba lo lai je pe a ran o, laipe ni iwo yio pada de. Yanju eyi ki o to lo.

Leyin ti Esra Wolii ati Olukoni ni ofin Olorun ti gba gbogbo awon amuye wonyi, ko tile beere fun owo ki a to fun un lopoloplo (Esra 7:10-27). A o se akiyesi- ohun ti o po ninu ese Bibeli yi:

1.    Esra ko gba ominira ayafi igba ti o gba lati se ise Oluwa.

2.   Ni gba ti Esra mura tan, Oba kowe lati fi owo ran ise na lowo.

3.   Oba yonda fun gbogbo awon ti won fe lati baa lo si Jerusalemu.

4.   Oba fi owo ati gbogbo ohun elo sile lati gbaruku ti Esra.

5.   Oba pase fun gbogbo akapo lati fun Esra lowo ni gba kugba ti o ba nilo re.

Bi ipe re ba je Ojulowo, iranlowo fun ise Olorun yio wa nipa ase, kii se nipa bibebe, kii se nipa imoran, kii se nipa jije eje, sugbon nipa ase. Ninu 1 Awon Oba 17:2-4,8-9, Olorun ba Elijah soro lati lo si apa ila oorun “ni tori ti mo ti pase fun eye iwo lati ma bo o” leyin eyi O tun wipe “Lo si sarefati Nitori ti mo ti pase fun Obinrin opo kan nibe lati ma bo o”.

Ni  ipari, duro de Olorun ki o ran o ki o to lo, ati pelu, mase gbagbe lati dahun awon ibeere wonyi: Olorun ko ni gbaruku ti o, ayafi ti o ba ri idahun fun awon ibeere wonyi. Oluwa yio bukun fun o bi o se nlo ba Olorun ninu adura..

                                                                                                                      

OSUWON ASEYORI

ITOKASI: Bi a o ba soro nipa sise aseyori ninu ise iranse, opo le maa wo awon ohun ti owo won ti te gegebi aseyori. Sugbon otito ti o wa nibe nipe ohun ti owo ti te kii se aseyori, ko tile le duro gegebi aseyori. Sugbon iwo yio je alaseyori ni gba ti o ba pari ipe re. Eyi nipe, ni gba ti o ba se ohun ti Orun ko sile nipa re pari, ti o si dun mo Olorun eni ti o pe o ninu, nigba naa ni o se aseyori. (1 Awon Oba 10:30).

                                                           MIMO AMI

Mimo ami tumo si mimo ibi ibere ati ibi ipari, bakan naa ni mimo asiko ibere ati ipari. Fun agbasese tooto, o se pataki fun un lati mo ohun ti yio se. Fun apeere, bi ijoba ba fe lati da oda si oju ona kan, agbasese tooto yio beere iye ibuso ti oun yio da oda si, ibi ibere ida oda naa ati ibi ti  o ni lati pari si.

Gbogbo ipe ti Olorun gbe le eniyan lori ni o ni ibu, oro, fife, jinjin ati giga. O ni ona pato kan, bakan naa o ni aala ti emi, eyi ni ibi ti Eleda fe ki ise naa ko de.

Ni tori idi eyi, o je Ojuse gbogbo iranse lati beere lowo Eni ti o ni ise Re. Iwo yio je olori awon ope ti o ko ba mo eyi.

AWON IDIWO SI ASEYORI

    

     1      SATANI

     2.     AWON AINI AYIKA

     3.     AWON ARA NINU OLUWA.

 

 

AWON APEERE NINU BIBELI

1.    PAULU JESU

2.   SAMSONI

3.  JOSHUA

Ni ipari, o nilo lati duro de ilowosi Olorun ki o to bere ise naa. Jesu ati Johanu Onitebomi duro dee fun bi ogbon odun ki won to bere ise naa.

Ki Oluwa bukun fun o bi o se nto Olorun lo ninu adura.