IJO ATI ISE IRANSE AWON OMODE

         GROUND OF TRUTH BIBLE INSTITUTE

         Email:- groundoftruth2@yahoo.com  Website:- www.groundoftruthbibleinstitute.blogspot.com       

             IJO ATI ISE IRANSE AWON OMODE    

Lakoko, a ni lati mo itumo ijo ati kini ise iranse awon omode.

IJO: Ijo je awon  eniyan kan ti a fi eje iyebiye ti nse ti Jesu Kristi ra pada, awon ti a ti ra ni iye kan ti won si tun ti di atunbi.

ISE IRANSE AWON OMODE

1.  Ise iranse awon omode je akojopo awon ona ti a le gba ko awon omode ni eko nipa ibagbepo eda, ti emi, ti oro Olorun, nipa ti ara ati nipa imudagba onigbagbo.

2.  O je kiko omode ni gbogbo awon ona ti Olorun, lati le wa ni abe aabo, itoju ati ibukun Olorun, lati le di awon ileri Olorun si awon onigbagbo mu lati gba iye ninu Jesu Kristi.                                                                 

Niwon igba ti a ti mo awon eyi, ibeere mi ni wipe; nibo ni awon omode duro ninu ijo wa? Se aarin gbungbun ni won wa tabi egbe kan? Nje eto awon omode yii wa ni ibamu pelu Olorun?

                   IDI TABI PATAKI ISE IRANSE AWON OMODE

Igbekale eko yi ni lati ran awon Oluso-aguntan ati awon Oluko ewe ijo lowo nipa awon ilana yi:

a.     Nini iran je pataki ninu ise wa

b.    Ko bi a ti nba awon ewe soro ni ona ti o muna doko.

Fun idi eyi gbogbo ijo ti o ba ni omode ninu okan won ni a ro lati bere eto ise iranse awon omode lati le mu won dagba soke fun  ojo iwaju.

   AWON IDI

1.    Ase Oluwa ni Dent 11:18-31

2.    Jesu fi si ise Mk 10:14, Lk 18:15-17

AWON IBI AKIYESI NINU

ISE IRANSE OMODE

Awon ibi kan se pataki ti a ni lati yewo ninu eyi ti a o ti mo ise iranse (Ministry) ewe:

a.     Awon ibi ti o ye ki a tejumo Owe 29:17 Ni igbesi aye ewe, akiyesi se pataki. Ninu eyi pelu ni a ti gbodo wo:

(1) ibawi tabi atunse (ii) idanileko Owe 4:3-4

b.    Awon ibi ti a ko ti nani omode: ohun ti o buru ju ni pe omo ti a ko nani yoo padanu ohun pupo Owe 29:15, 13:24. (i) ikosile (ii) akoso ise ati bi ti o ti jina si (iii) a iri awon ohun igbalode fun won (iv) Aiko si abo ti o peye: lilaju si isekuse, Jagidijagan abbl.

   ILANA BIBELI FUN ISE IRANSE AWON OMODE

Ise iranse omode je ohun ojo pipe. O ti wa lati igba dida aye.

        KI A WO NI ONA ERO

Adamu ati efa ko awon omo won (kaini ati Abeli) won ko won ni ona Oluwa, tabi ki a kuku wipe; Olorun funrara Re lo ti ko won, bi be ko Oluwa ko ba ti ko ore Kaini Gen .4:9. Oro yi fiye wa wipe Kaini mo ohun ti o dara.

            KI A WO NI ONA TAARA

Ona taara je ona ti o po sugbon a o te pele mo ona ti Abrahamu ati Mose.

1.    Abrahamu ni a doju ko taara pelu ojuse lati moju to agbo ile re Gen 18:17-19.

2.    A pase fun  Mose lati ko awon omo Israeli ki won le ko awon omo won.

Nipa bayi, o je ojuse ebi ati ijo lapapo.

1.    OJUSE EBI

Mose palase pe ki ebi kookan won ko awon omo won Deut 1:7, 11: 19. Ninu Deut 6:7 a ro awon obi lati ko awon omo won lai saare nipa wipe nigbati won ba joko, dide, tabi rin, eyi tumosi wipe won ni lati ma ko won ni igba gbogbo. Kise kiko nikan, won gbodo pase fun won lati ma tele ilana Olorun. Deut 32:46.

2.    OJUSE IJO (DEUT 31:11-13)

Kiko omode ko duro ninu ebi nikan, ijo na gbodo ko ipa pataki. A gbodo tele ilana ati igbekele eko, awon omode ni lati gbo, ko, beru, ati lati se ife Olorun. Rom. 10:9; matt 11:29, Owe 1:7, 9:10 Eyin a ma waye nigba ti gbogbo awon  omode wonyi ba korajo lati orisirisi ebi lati keko oro Olorun.

3.    OJUSE TITI LAILAI                                                

Okan Olorun dara si Israeli gege bi ti ijo loni lati tesiwaju ninu ise iranse omode ninu ebi ati ninu ijo agbegbe eleyi gbodo je asa titi lai Deut 4:9. Olorun fe ki o ma tesiwaju ki ibukun re ki o le ma san lati iran de iran Deut 7:8,9,12&15

4.    JESU ATI AWON APOSTELI         

(a)                 Jesu feran awon omode o si n gbadura fun won, o fi won se apeere      

ijoba Olorun Mk 10:13-16

(b)                 A ko gbodo se awon omode Matt 18:5-6, Col 3:21.

(d)       Awon obi ati awon adari ijo agbegbe gbodo je alapere rere ti         

 awon omode wonyi gbodo tele fun igbe aye won. 1 Tim 3:1-9, Titus 1:1-6

    IDI TI EMI   

Olorun ko le pa awon eniyan re lase lati se nkan lai ni idi. Awon ete Olorun ninu eko ise iranse awon omode ni a to leselese sile ninu Orin Dafidi 78

Ki won ki o le “Mo” ese 6a

Ki won ki o le “ranti”

Ki won ki o le “Fi ireti won sinu Olorun” ese 7, 1 Sam 17:32

Ki won ki o ma le “rin ni ona ese ti awon baba won ti nrin” ese 8

              AWON ONA TI A LE GBA SE AWON OMODE

Oniruru ona ni a le gba se awon omode ti awon obi won ati awon adari ijo won ko ba se akiyesi:

1.    Nipa pipa iro mo won

2.     Nipa ariwo pipa mo won

3.    Nipa ailepese fun won

4.     Nipa aifi aye gba won lati ri eyi-keyi awon obi won.

5.    Nipa tito sona tabi nina won nigba ti won ko mo ohun ti won se.

                 AWON ERO BUBURU NIPA ISE IRANSE AWON OMODE

Opolopo ero ni o wa leyin idasile Ise iranse awon omode ti o le ran idile lowo ati ijo. Sugbo o seni laanu wipe gbogbo awon erongba yi ni a ko se amulo bi o ti to. Ju gbogbo re lo, eyi je ki won o bo sinu erongba buburu. Awon erongba buburu naa ni wonyi:

A.    Ki a kan mu owo won di ni ibikan ni tosi ile ijosin ki won ma ba di isin awon agba lowo.

B.    Ki won ko eko oro Olorun fun isin ajodun lasan ki won si se afihan imo won laisi ifi oro Olorun si ise.

D.  Sise awokose awon ijo miran nipa ise iranse awon omode laini igbaradi to koju osunwon lati ba aini ati ipenija ise naa.

E.   Ise Iranse ikowojo lasan. Won a ma lo lati gba owo ti ko leto lowo       awon omo ijo.

    PINPIN AWON OMODE SI IYARA IKEKO

Gegebi iwe atumo, oro ti a npe ni omo tumo si omodekunrin ati omodebinrin. Ni ona miran ewe, atun le pe awon , omode ni awon ti ko i tii tojuubo, ti ojo ori won bere lati omo oojo si Odun Merinla ni ojo ori.  

Bayi, bi a ti se mo awon nkan ti omode je, pipin si iyara ikeko yoo yato nitori ojo ori ati oye won ati agbara oluko kookan.

i.                   Lati omo oojo titi de omo odun kan ni a le fi sile pelu awon obi won, awon wonyi ni omo omu.

ii.                  Odun meji si odun meta aabo, awon ewe weere (ounje ati itoju)

iii.              Odun merin si odun mejo, awon omo ile iwe alakobere (orin kiko).

iv.              Odun mesan si odun merinla. Kiko eko oro Olorun titi de fifi si ise ninu igbe aye won.     

Nipase gbogbo pinpin awon ori wonyi, nitori ogbon tabi ihuwasi won, won ko gbodo ju mewa lo ninu yara ikeko. Iye omo ti o kere ju ti oluko kan le lagbara lati ko, ko gbodo ju marun (5) si mefa (6) lo ni yara ikeko.

Bi o ba seese a le ni oluko meji ni yara ikeko kan, bi ko ba ri be, yoo re eyo oluko kan.

                   AWON EKO NINU ISE IRANSE AWON OMODE

Gege bi a se pin ojo ori won, gege be ni eko won se gbodo ri. Awon kan wa ti won ko nilo ju orin Olorun lo, awon miran itan inu bibeli, awon miran ese akosori lati inu oro Olorun.

AKIYESI FUN AWON OLUKO OMODE

Gbogbo oluko ewe ni yoo bi ara re ni awon ibeere nipa ohun ti won o ko ni yara ikeko won.

Awon ibeere naa le lo bayi:

(1)  Ta ni mi? :- Labe ibeere yi, awon nkan bayi ni a gbeyewo

(a)  Nje mo je Onigbagbo ti o ni idaniloju eko ti o fe fi ko awon omode?

(b). Nje oro wonyi ko ipa kan fun mi?

(d)  Nje won ba aye ode oni mu?

(2)  Tani Olugbo/Olutetisi oro mi? ;

(a)     Nje mo nsoro pelu awon ti won dogba ni ojo ori?

(b)     Nje awon ojo ori kan wa ti o ye ki ngbe yewo?

(d)     Ede wo ni o le ye won? Ede ti o lagbara tabi ede ti o rorun?

(e)     Bawo ni o se rorun si lati de odo won?

(e)     Kini ohun ti won nilo ju?

(3)  Kini ilepa mi?: Nje o rorun  lati se itoju won ki a si boju to won pelu ayo ati idakeje?

AWON OHUN ELO TI A NILO NINU

ISE IRANSE AWON OMODE

Opolopo awon ohun elo ni o nbe ti a nilo ninu ise iranse awon omode eyi ti yoo ran ni lowo gidigidi lati mu ki eto Olorun wa si imuse ninu aye won. Apeere ni wonyi:                                 

(i)  Bibeli   (ii)  Awon iwe   (iii)  Iranlowo : eyi ti yoo wulo fun afihan awon eko gegebi aworan, ohun ti aya abbl.   (iv)  Awon ami: eyi ni awon ohun elo ti a lee ri ti awon omo si le muu dani.   

       ALAIGBORAN OMO ATI IJIYA

Ti a ba ri awon omo ti o ya alaigboran dajudaju o ye ki ijiya o wa fun iru omo be. Ti ko ba si ijiya tabi ibaniwi, iru aigboran bee yoo wopo larin awon omode, eyi si le dari won kuro ninu ife Olorun.

Lakoko na, a gbodo mo kinni itumo Alaigboran omo? Owe 23:12-14. Oro yi fi han wa wipe Aya Omode ni aigboran disi........nitorina, alaigboran omo tumo si elese omo.

Ijiya:-  Oro yi ijiya tabi ni ona miran ikora ni ijanu. Eyi tumosi pe ki a so awon omo wa di omoleyin ni ona Olorun Efesu 6:4 A si gbodo ko awon omode ni ibawi ni ona wonyi:

(a).    ITONI: Eyi ye ki a se amulo re si gbogbo eka aye won, nitori pe awon omode yoo fe mo ohun ti o ye ki won se, yala ni aarin awujo tabi ile ijosin.

(b)     IGBORAN: Ohun ti ibawi tooto nmu wa ni igboran. Omode ti o gba itoni fun igbe aye gidi ni o le fi owo fun ase tabi ilana ti a la sile fun-un. O n ko eyi, ti won ko ba bowo fun ase yii, ayorisi re ko ni dara.

(d)     ATUNSE: Heb. 12:6, Owe 23:13-14, Owe 20:11. Ti a ko ba ba awon omode wi, won yoo ma ru awon ofin ati ilana ti won ba la sile fun won, ti iwa aigboran yoo si gbile ninu aye won.

(e)     IKORA ENI NI IJANU: Ikora eni ni ijanu gbodo je ilepa wa ti aba nko awon omo wa. Eyi ni ki eniyan ni oore ofe lati le ba ara re wi, eyi ni ipa lati so pe beko ni akoko ti o ye abbl.

                        SISE AKOSO ISE IRANSE AWON OMODE

Eto isakoso ise iranse awon omode  gbodo ri gege bi ti isakoso ise iranse ti awon agbalagba. Sugbon, a ni lo awon adari lati wa ni awon aye kan fun ija gaara ise iranse, ara won ni:

a. Akowe   (b) Akapo   (d) Akowe eto owo   (e) Akowe eto ayeye.

Eyi ni awon oloye/adari ti o le ma se ise ni ile ise iranse awon omode. Nigbati awon oluko yoo je igbimo fun ile ise iranse awon omode.

Ni ile ise iranse awon omode ti o tobi/gboro, gbogbo awon oloye ati awon oluko ni yoo je omo igbimo.

                   OJUSE AWON IGBIMO

1.    Lati seto idanileko odoodun fun awon oluko.

2.    Lati ri pe eto fun awon omode nlo deede.

3.    Lati jiroro lori bi won o se ni eto idanileko to jinle fun olokan ojokan awon oluko titun ni odoodun.

4.    Awon igbimo ti gbodo seto saaju akoko ti awon nkan wonyi yo waye lodoodun.

5.    Awon igbimo gbodo se igbelewon gbogbo awon eto won odoodun ki won si wona fun idagba soke sii. Awon eto bii:                    

i.                   Akoso ise iranse awon omode

ii.                 ojuse awon igbimo

iii.              Awon oluko ile eko ojo isinmi

iv.              Idije Bibeli si awon omode.

v.                 Eto akoko isinmi fun awon omode,

vi.              Eko bibeli.

IPENIJA FUN ISE IRANSE AWON

OMODE NI AKOKO TIWA

Gbogbo awon ipenija ti awon omode nkoju ni aye ode oni npe fun akiyesi oju ese ninu awon ile ijosin wa loni, ki a ba le mu awon omo wa, wa sinu ife Olorun.

Ki Olorun ma je ki a jebi lori omo ti a fi fun wa tabi ti a ko le wa lowo. (Amin)

GROUND OF TRUTH BIBLE INSTITUTE

No1, Aboderin Street Agbaje Orita Challenge Ibadan

E-mail; groundoftruth2@yahoo.com.

Website- www.groundoftruth.net.ms

MOBILE: 08056008526 & 07031821386

HANDOUT

CHURCH AND CHILDREN MINISTRY

 

             

                          ADVANCED CHRISTIAN LEADERSHIP

                                        100 LEVEL